ناڤەندا نووچەیان – سه‌ما
ل زانكۆیا دهۆكێ كۆنفرانسێ پاراستنا میراتێ كه‌لتورى ل كوردستانێ و عیراقێ ب ڕێڤه‌چوو و تێدا چه‌ندين په‌نه‌ل هاتنه پێشكێشكرن.
ئيرۆ سپێدێ رۆژا سێ شه‌مبوويێ 25-2-025ێ، ل هۆڵا كۆنفرانسان ل زانكۆیا دهۆكێ ب ئاماده‌بوونا ماجد سه‌ید سالح، نوونه‌رێ پارێزگارێ دهۆكێ ود. ڤیان سلێمان، جێگرا به‌رپرسێ مه‌كته‌با رێكخستنا پارتى ل دهۆكێ و د.داود سلێمان، سه‌رۆكێ زانكۆیا دهۆكێ وچه‌ند به‌رپرسێن حزبى وئیدارى ونوونه‌رێن پێكهاته‌یان ونوونه‌رێن كۆنسلخانا بریتانیا (كونفرانسێ پاراستنا میراتێ كه‌لتو,رى ل كوردستانێ وعیراقێ) ژلایێ زانكۆیا دهۆكێ و په‌یمانگه‌ها (IDS) یا بریتانى ڤه هاته ئه‌نجامدان.
دبه‌رنامێن كۆنفرانسى دا، په‌یڤێن سه‌رۆكێ زانكۆیا دهۆكێ و وپه‌یمانگه‌ها (IDS) یا بریتانى ونوونه‌رێ كۆنسلخانا بریتانیا ل هه‌ولێرێ هاتنه خواندن و گرنگیا ڤان جۆره كۆنفرانسان بۆ پتر موكومكرنا گیانێ پێكڤه‌ژیانێ و ئاشتیا جڤاكى وبرایه‌تیێ به‌رچاڤكرن.
پاش پارچه ڤیدیۆیه‌ك ل دۆر پێكڤه‌ژیانێ ل كوردستانێ هاته به‌رچاڤكرن.
ل دووڤدا په‌نه‌له‌كێ تایبه‌ت ل دۆر رۆلێ زانكۆیێ بۆ پاراستنا میراتێ كه‌لتوورى ل كوردستانێ هاته ئه‌نجامدان، تێدا نوونه‌رێن پێكهاته‌یان ژكلدان، ئاشورى، ئێزدى، توركمان، كاكه‌یى، ئه‌رمه‌ن وشه‌به‌كان به‌حسێ گرنگیا ڤان جۆره كۆنفرانسان بۆ پتر موكومكرنا گیانێ پێكڤه‌ژیانێ دیاركرن.
بریار ئه‌وه ل دانێ ئێڤارى ژى چه‌ند په‌نه‌ل ل دۆر بابه‌تى ژلایێ نوونه‌رێن پێكهاته‌یان بێنه پێشكێشكرن.