ناڤەندا نووچەیان- سەما
د.ڤیان دەخیل، ئەنداما پەرلەمانێ عێراقێ و پەیڤدارا فراکسیۆنا پارتی دیموکراتی کوردستان، دپەیامەكێ دا سوپاسیا ڕێزدار مەسرور بارزانی، سەرۆکێ حکومەتا هەرێما کوردستانێ کر بۆ وەرگرتنا ڕزگاربوویان ل زانکۆ و پەیمانگەهان.
ئيرۆ چارشەمبوويێ 23ـی تهمموزا 2025، د.ڤیان دەخیل، ئەنداما پەرلەمانێ عێراقێ و پەیڤدارا فراکسیۆنا پارتی دیموکراتی کوردستان، دپەیامەكێ دا نڤیسییە؛ سوپاس و ڕێزگرتن ژبۆ سەرۆکێ حکومەتا هەرێما کوردستانێ مەسرور بارزانی ژبۆ پشتەڤانیکرنا پڕۆژێ مرۆڤایەتی یێ وەرگرتنا قوتابیێن ڕزگاربوویێن ئێزدی ژ دەستێن داعش ل زانکۆ و پەیمانگەهێن هەرێما کوردستانێ و خواندنا بڵند بێ بەرامبەر.
دبێژت: ئەڤە چەندە پشتەڤانیەکا گرنگە بۆ جڤاکا ئێزدی و ئەڤە جارا ئێکێ نینە سەرۆکێ حکومەتا هەرێما کورستانێ پشتەڤانی یا تەخ وچینێن جودا یێن جڤاکا ئێزدی دکەت.
هەروەسا هاتييە؛ ئەڤ دەستپێشخەری ژبۆی ڕزگاربوویێن ئێزدی یە ئەوێن کو ل ناڤێن وان هاتینە تۆمارکرن.
دووپاتکر، ڕاستی ئەڤ چەندە دیار دکەت، کو سەرۆکێ حکومەتێ پشتەڤان وخەمخۆرێ وانە.