شێخ زێدۆ باعەدری: داخوازا سێ کورسیيێن کۆتايێ بۆ ئێزدييان دكه‌ين

ب ناڤێ خودایێ مەزن و دلۆڤان
بۆ ڕێزدار/ ئایدن مەعرووف
وەزیرێ هەرێمێ بۆ کاروبارێن پێکهاتان
​بابەت/ داخوازنامە
​سڵاڤ و ڕێز…
وەکی هوون دزانن، پێکهاتەیا ئێزدی ل دهۆکێ ژمارا وان کێمە، بەشێ ئێک کورسی ناکەت، لەوما ئەم داخوازێ دکەین سێ کورسیێن کۆتا بۆ پێکهاتەیا ئێزدی بهێنە دابینکرن. ژبەر کو ل درێژاهیا پەرلەمانێ کوردستانێ هەر ژ سالا 1992 و هەتا نوکە چو کەس ب ناڤێ کۆتا نەچوویە د پەرلەمانی دا، بۆ پێزانینێن ڕێزدارێ وە ل هەر شەش خولێن پەرلەمانی دا تەنێ هەشت کەسێن ئێزدی د ناڤ لیستێن پارتی و ئێکەتیێ دا چوونە.
​هەمی ئێزدیێن کوردستانێ داخوازا کورسیا کۆتا دکەن، چونکو تایبەتمەندیا مە یا ئایینی یا هەی. هیڤیدارین ڕێزداریا وە یاداشتنامەکا تایبەت ئاراستەی حکوومەت و پەرلەمانێ کوردستانێ بکەن.
​ل دوماهیێ، هیڤیدارین ل سەر دەستێ ڕێزداریا وە ئەڤ دەستکەفتە بهێتە بجهئینان…
​دگەل ڕێزێن من دا…
​داخوازکار
شێخ زێدۆ باعەدری
ڕاوێژکارێ بەرێ یێ پەرلەمانێ کوردستانێ
هەولێر
5/ 5/ 2026