Navenda nûçeyan – Sema
Pişkeka xelkê komelgeha girzerk li başûrê Şingalê vegeryayne ser mal û halê xo ve û jiber nebûna xizmetgozariyên destipêkî dinalin.
Komelgeha girzerk bi dirêjahya 20kîlometran dikefte bakûrê qeza be’ac û ji rûyê îdarî ve biser nahya gir’zêr veye li başûrê Şingalê.
Yasr sebrî, piştî 10 salên awarebûnê digel malbeta xo vegeryaya girzerk bo sema got: “nêzîkî salekê ye ji aware bûnê vegeryayne cihê xo, lê mixabin di nuke da çi core xizmetgozaryek nîne û jiyana me di nav kavlên wêran û piştguh havêtina hikumetê da derbaz dibit”.
Di dûvçûna kenalê sema da sebaret bi vî babetî beşek ji xelkê wê komelgehê dibêjn: ” ne bitinê ji aliyê xizmetgozariyan ve em hatîne piştguh havîtin, belku çi rolê fermangehên hikumetê jî wek pêdvî li devera wan nîne”.
Bi gorrey amaran berî sala 2014ê jimara akincyên wê komelgehê nêzîkî 18000 hezar kesan bû, pitiriya wan êzdî bûn.
Nuke bitinê 60 xêzan ji awarebûnê vegeryayne komelgehê û bi destê belingazyê û piştguh havêtina hikumetê û rêkixrawan dinalin.
Li tebaxa sala 2014ê, rêkixrawa da’şi ya tîrorsitî hêrşî qeza şingalê kir û dencamda zêdetrî hezar welatyên êzdî hatine kuştin û bi hezaran awarey deverên aramên herêma kurdistanê bûn.