Navenda nûçeyan – Sema
Wezîrê Çavkaniyên Avê, Ewn Ziyab, îro Yekşem tekez kir ku Bendava Mûsilê ji bo wergirtina ava baran û berfê amade ye. Di heman demê de birêvebirê bendavê, Hatim Teyib Fethî, amaje kir ku siyasetek ji bo bikaranîna hilandina avê heye da ku pêdiviyên hemwelatîyan bên bicihkirin.
Ziyab ji Ajansa Nûçeyan a Îraqê (WAE) re got: “Rewşa niha ya Bendava Mûsilê baş e, her wiha hilandina wê ya avê jî baş e û ji bo dabînkirina hemû pêdiviyên li başûrê Îraqê xizmetê dike”, wî diyar kir ku “bendav amade ye ji bo wergirtina her miqdarên ava baran û berfê ku li herêmên bakur barîne ji ber ku kapasîteya wê mezin e.”
Wî got “Nîşaneyên ku li cem me hene ev in ku baranên zêde û berfên pir li herêma çemê Dîcle nebûn”, wî pêşbînî kir ku “di demên pêş de miqdarên têr ên baran wê bibare.”
Di heman demê de birêvebirê bendavê, Hatim Teyib Fethî ji Ajansa Nûçeyan a Îraqê (WAE) re tekez kir, “Me wezîr li ser raportên belgekirin ên derbarê ewlehiya Bendava Mûsilê agahdar kir û em dixwazin ji raya giştî re bibêjin ku Bendava Mûsilê di rewşeke baş de ye û valahiyeke mezin a hilanînê tê de heye”, wî rave kir ku “Baran di demsala niha de li tevahiya Îraqê û bi taybetî li herêmên bakurê Îraqê kêm bûn, ev jî bûye sedema peyda bûna valahiyeke mezin a hilanînê li bendavê.”
Wî diyar kir ku “siyasetek ji bo veberhênana hilandina avê ji aliyê wezaretê ve heye da ku pêdiviyên hemû hemwelatîyan ji bakurê Îraqê heta başûrê wê çi ji bo bikaranîna malê be an jî ji bo armancên avdanê bi cih bîne.”