ناڤەندا نووچەیان – سەما
گهنجێ ئێزدی “عەتۆ شێخ دەخیل”، كو خەلكێ شنگالێ یە، ب فەرمی بەربژێربوونا خۆ د ناڤ لیستا “حزبا وەسەت” یا سویدی دا بۆ هەلبژارتنێن بێت یێن پەرلەمانی ڕاگەهاند. دوپاتكر ئەو شانازیيێ ب ڕەگەز و ڕەسەناتیيا خۆ یا كوردی دكەت و د بزاڤێ دایە ببتە “دەنگێ گەلێ كورد” د ناڤ پەرلەمانی دا.
دەخیلی دیاركر، پشتهڤانیكرنا بوارێ خواندنێ، دگەل پەیداكرنا دەلیڤهيێن كاری، بهێزكرنا تێكەلبوونا ئەرێنی د ناڤ جڤاكی دا و گرنگیدان ب گەنج و خێزانان دێ ژ ئهولهوياتێن كارێ وى بن. هەروەسا پشتەڤانیكرنا پرۆژێن بچووك، پاراستنا كوالێتیيا خزمەتگۆزاريیێن گشتی و چەسپاندنا بهایێن دیموكراسی و دادپەروەریا جڤاكی.
عەتو دەخیل وەك چالاكڤانەكێ سیاسی و مرۆڤی دئێتە نیاسین و سەرۆكێ ڕێكخراوا “هەڤپەیمانی ژ بۆ مرۆڤایەتیيێ” یە. هەروەسا شارەزاییەكا باش د كاركرنێ دا دگەل چەندین ڕێكخراوێن سویدی و نێڤدەولەتی د بوارێن مافێن مرۆڤی و كارێن جڤاكی دا هەیە.