سیما تیڤی

Serkeftiyên Mezintirîn Berîkana Laliş ya Rewşenbîrî hatine Xelatkirin

Navenda Nûçeyan – Sema
ji Sercemê 500 beşdarbûyên Berîkana Laliş ya Rewşenbîrî li nahiya Baedrê, 15 kesan bi goreyi rêzbendiyê, baştirîn nimre bidestveînan û îro di rêwresmeka ji hejî da hatne xelatkirin.

Şembûyê, 8ê Adara 2025ê, bi berhevbûna Dr. Karwan Mihemed Sabir, ji nivîsîngeha Berêz (Mesrûr Barzanî) û Seîd Cirdo, Serokê Bingehê Laliş û Dr. Seîd Xudêda, Cêgirê Serokê Bingehî û endamên desteya bilinda Bingehê Laliş, dirêwresmekê da 15 serkeftiyên Berîkana Laliş “Pirsiyar û Xelat” li baregayê Bingehî li Duhokê hatne xelatkirin.

Li çarê meha Adarê Berîkana Lalish bo nêzîkî 500 genc û qutabî û lawan, ji layê desteya bilinda Bingehê Laliş yê Rewşenbîrî û Komelayetî li Duhokê û Bingehê Laliş tayê Baedrê li qutabxana Amadeya Baedrê ya Têkel ve hatbû sazkirin.

Divê Berîkanê da, pêncî pirsiyarên mêjûyî, olî, neteweyî, niştîmanî û giştî bi xo ve girtbûn araste beşdarbûyan hatne kirin, bi çavdêriya tîmekî pispor û mamostayên zankoiyê, bi serkeftiyane bi rêveçû.

Di nava beşdarbûyan da 15 kesan bi goreyi rêzbendiyê, baştirîn nimre bidestveînabûn.

Gencên hemû deverên Êzdiyan dê ji Berîkana Lalish mifadarbîn û merem jê bilindkirina astê rewşenbîriyê genc û law û qutabiyan û xurtkirina peywendiyê dinavbera Bingehê Laliş û texa gencan û zêdekirina zaniyariyên giştî ye.

><