Navenda Nûçeyan – Sema
Parlamenter doctor Viyan Dexîl bi Birêz Yokota Kenhi, Kargêrê Karûbarên Balyozxaneya Japonî li Bexdayê re hevdîtin kir. Di hevdîtinê de, pêşketinên li qada siyasî hatin nîqaşkirin, bi giranîdan li ser mijarên mirovî yên lezgîn, di serî de dosyeya koçberên neçar û rewşa Şingalê.
Herdu aliyan riyên pêşkêşkirina piştgiriyê ji bo jinûveavakirina Şingalê nîqaş kirin, bi awayekî ku pêşvebirina binyata jêrîn û amadekirina mercên guncaw ji bo vegerîna koçberên neçar misoger bike.
Herwiha rewşa mirovî di kampa û pêwîstiya dîtina çareseriyên domdar ên ku alîkariya başkirina rewşa koçberan û kêmkirina êşa wan bikin hatin nîqaşkirin.
Parlamenterdoctor Viyan Dexîl di hevdîtinê de girîngiya piştgiriya civaka navneteweyî, bi taybetî Japonya, di pêşkêşkirina alîkariyên mirovî û pêşxistinê ji bo Şingalê û deverên ziyanketî tekez kir, bi awayekî ku aramiyê xurt bike û alîkariya pêşkêşkirina jiyaneke bi rûmet ji bo koçberên vegerî bike.
Ji aliyê xwe ve, Kargêrê Karûbaran dilgermiya welatê xwe ji bo şopandina rewşa koçberan û jinûveavakirina Şingalê nîşan da.
Ev hevdîtin di çarçoveya hewldanên berdewam ên ku Parlamenter Fiyan Dexîl ji bo mobîlîzekirina piştgiriya navneteweyî û herêmî ji bo jinûveavakirina Şingalê û bicîkirina aramiyê li deverên ziyanketî dide de tê.