ناڤەندا نووچەیان – سەما
قايمقامێ قه‌زا شێحان راگه‌هاند، كار ل سه‌ر پرۆژه‌يێ جووتسايدێ ڕێكا شێخان بۆ لالش به‌رده‌وامه و تا نوكه نێزيكى 20%هاتييه چێكرن.
پرۆژه‌يێ جووتسايدێ ڕێكا شێخان بۆ لالش ب كوژمێ 28مليار ديناران و ب درێژاهيا زێده‌ترى 8 كيلۆمه‌تران ل داويا سالا بۆرى دا ژلايێ رێزدار مه‌سرور بارزانى، سه‌رۆكێ حكومه‌تا هه‌ريما كوردستانێ به‌رێ بنياتى بۆ هاتبوو دانان.
شه‌مبوويێ، 20-1-2025ێ، سه‌ردار شێخ يه‌حيى، قايمقامێ قه‌زا شێخان بۆ سه‌ما راگه‌هاند: پرۆژه‌يێ جووتسايدێ ڕێكا شێخان بۆ لالش قۆناغێن باش ده‌رباز كرينه و ب شه‌ڤ و ڕۆژ كار تێدا دئێته كرن.
سه‌ردار شێخ يه‌حيا ئاماژه ب وێ چه‌ندێ دا “دچارچووڤێ ياسا و رێنمايێن حكومه‌تا هه‌رێما كوردستانێ دا ئه‌و خودانێن زه‌ڤيێن وان دكه‌ڤنه ل به‌ر پرۆژه‌يى و زه‌ره‌رمه‌ند ببت دێ ئێنه قه‌ره‌بووكرن”.
پرۆژێ ناڤبرى ب ئێك ژ پرۆژێن ستراتيژى يێن حكومه‌تا هه‌رێمێ دئێته دانان بۆ ساناهيكرنا هاتن و چوونا وه‌لاتيان ب تايبه‌ت بۆ لالشێ.