سیما تیڤی

Desteyên Bilind a Bingehê Laliş Seredana Mezarê Nemran Kir

Navenda Nûçeyan – Sema
Îro şembûyê 15-3-2025ê, bi merema nûkirina soz û peymanan li ser rêbaza pîroza Barzaniyê nemir û Kak Îdrîsê herdem sax, desteyên bilinda Bingehê Laliş bi gişt tayî û nvîsîngehên xo ve seredana mezarê nemran li devera Barzan kirin û ji layê Şêx Xelat Barzanî, nûnerê cenabê Serok Barzanî ve hatine pêşwazîkirin.

Li destpêkê şandê Bingehê Lalish bi serokatiya Seîd Cirdo, serokê bingehî û Dr. Seîd Xudêda, cîgirê serokê bingehî û endamên desteka bilind û berpirsên tayî û nivîsîngehan, di rêwresmanda sererayî hevxemiya xwe bo weğerkirina Barzaniyê nemir, tace guline li ser gorên herdu nemran danan.

Paşan Seîd Cirdo, serokê Bingehê Laliş bi navê şandî peyvek pêşkêşkir û ronahî êxiste ser xebat û têkoşîna herdu serkirdeyan nemir Mistefayê Barzanî û Îdrîsê ciwanemergi li pêxemet doza milletê Kurd û mafên rewa yên hemû pêkhatên Kurdistanê bûye eger ku seredana mezarê nemran bibe rewşenbirîyek li nav hemû pêkhat û tex û çînên Kurdistanê da.

Serokê Bingehê Laliş gotjî: Em weku Bingehê Laliş salane vê seredanê bi erkê xwe dizanin û bi hemû tayî û nivîsîngehên Lalish li seranserî deverên Êzdiyan bi şanazî ve vî erkî encam ddeyn û soz û peymana nû dkeyn, ku felsefa birayetî û pêkvejîyan û yektirqebûlkirnê ku rêbaza van serkirdeyan bilîmetbû li nav civaka Kurdistanî xurt tir bikeyn.

Seîd Cirdo dupatikir, em bi hîvî û omêdîn ku cenabê Serok û merce’ Kak Mesûd Barzanî û hikumeta herêma Kurdistanê dê bi hêz piştêvanên mafê Êzdiyan bin daku mil bi milê hemû pêkhatên vî welatî rolê xwe bigêrin li avedan û îdarekirina Kurdistaneka serfîraz û bextewer.

Wek wefadarî û bi merema nûkirina soz û peymanên kurdayetî û bîrûbaweran, salane desteya bilinda Bingehê Laliş digel tayî û nivîsîngehên xwe seredana mezarê nemran li Barzan diken.

><