Semahata Babeşêx bi tundi îdana kirna armanc ya mala cenabê serok Nêçîrvan Barzanî diket
Navenda Nûçeyan – SAMA
Semahata Babeşêx, Şêx Elî Şêx Ilyas, dilgeraniya xwe û îdanekirineka tund diyar kir li dor kirna armanc ya mala cenabê serok Nêçîrvan Barzanî, û ev çende bi karekê metirsîdar wesif kir ku asayîş û seqamgiriya herêma Kurdistanê dikete armanc û gefe li ser aştiya civakî li tevaya deverê.
Semahatê wî teʼkîd kir ku ev hîrşe tinê ne li dijî kesayetiya serokî ye, belku destdirêjî ye bo ser asayîş û selanmetiya hemî takên gelê Kurdistanê. Herwesa diyar kir ku cenabê serok Nêçîrvan Barzanî bi helwîstên xwe yên aştiyane dihête nasîn, û berdewam hewlên wî bo bi hêzkirina lêktêgehiştinê û rolê wî yê diyar wek pira peywendiyê di navbera aliyên cuda yên Îraqî û deverê da hebûye.
Herwesa amaje bi wê çendê kir ku ev cure kare bizavên bêomêdane bo çandna fîtneyê û germkirina milmaniyan û têkdana wê seqamgiriya herêm têda dijît, û bi tundi hemî ew karên ku asayîşa giştî têk diden yan pêkvejiyanê têk diden ret kir.
Di dumahiya beyannama xwe da, Semahatê Babeşêx duaya kirin ku Xodê gelê Kurdistanê û Îraqê biparêzît, û nîmeta asayîş û aştiyê berdewam biket, û cenabê serok Nêçîrvan Barzanî ji hemî bela û nexweşiyan biparêzît.
Semahatê Babeşêx Şêx Elî Şêx Ilyas
29 / 3 / 2026